स्वप्नं

स्वप्नं तुझी  माझी , इथे असलेल्या प्रत्येकाची
काही छोटी छोटी, तर काही मोठी मोठी
काही एकमेंकात मिसळणारी, तर काही स्वतंत्र अस्तित्व असणारी 
काही मागच्या पानावरून सुरु होणारी , तर काही रोज नवीन पान उघडणारी
काही चाफ्याच्या सुगंधाने न्हायलेली , तर काही रातराणीच्या वासाने धुंदावलेली
काही रोजच्या जगण्यातली , तर काही उद्याची
काही  साधी सरळ , तर काही गुंतागुंतीची
काही मनातून आलेली , तर काही पूर्णपणे अनोळखी
काही भूतांची,  तर काही देवांची
काही नवीन घरांची , तर काही जुन्या घरातल्या आठवणींची
काही खोल काळोखातून आलेली, तर काही दिवसाच्या उजेडातली
काही पहाटेच्या प्रजाक्तांच्या फुलांची,  तर काही संध्याकाळच्या दिव्यांची
काही रेंगाळणारी , तर काही पटकन संपणारी
काही लक्षात राहणारी , तर काही पटकन विसरली जाणारी
काही ठसा उमटवणारी , तर काही आठवावी लागणारी
काही मन प्रसन्न करणारी , तर काही उदास करणारी
काही मन हळवं करणारी , तर काही राग आणणारी
काही कल्पना देणारी, तर काही चटके देणारी
काही  वास्तवतेच्या निखार्यांवर भाजलेली , तर काही पर्यांच्या राज्यात पोहोचलेली
काही मन मोहरून टाकणारी , तर काही जखमेवर मीठ चोळणारी
काही भरारी घेणारी तर काही पंख तुटलेली , असहाय्य
स्वप्नं तुझी  माझी , इथे असलेल्या प्रत्येकाची , प्रत्येकाच्या जगण्याचा भाग असलेली , कल्पनांना बळ देणारी, कधी जगण्याचा अर्थ उलगडणारी , तर कधी प्रत्यक्षात उतरणारी

स्वप्नं तुझी  माझी, कधी एकत्र होणारी तर कधी वेगवेगळया वाटांवर जाणारी

स्वप्नं तुझी  माझी, नवीन विश्व निर्माण करणारी , जगण्याचा बंध घट्ट करणारी.

याच स्वप्नांना नाव पण वेगवेगळी आहेत , कुणी त्याला ध्येय म्हणत तर कुणी पुढचा विचार , माझ्यासाठी मात्र ते पण स्वप्नच असतं . 

वाढदिवस - १० सप्टेंबर

या वर्षी शर्वरीच वाढदिवस काही तरी वेगळ्या पद्धतीने साजरा करावा असा ठरवलं. पण कराव हे काही सुचत नव्हतं. तीच किशोर वय सुरु होणार आता मग काहीतरी वेगळ सेलेब्रेशन असाव असा मला वाटत होतं . त्यात मागच्या दोन वर्षापासून तिला तिचा वाढदिवस क्लब हाउस मध्ये साजरा करायचा होता . यावर्षी ठरवलं कि तो तसाच करू . पण वेळ अगदी कमी होता. मागच्या वर्षी तिला जसं आश्चर्यचकित केलं होतं, यावर्षी मात्र तसं करायचं नाही असं ठरवलं . तयारी करताना तिची मदत घ्यायची , म्हणजे तिला पण आपण मदत केल्याच समाधान मिळेल आणि मला पण मदत होईल असा दुहेरी विचार केला . 

कामाला सुरवात करण्याआधी कामाची यादी तयार केली . सगळ्यात आधी मैत्रिणींची यादी केली. हो नाही करत करत सगळ्या मिळून १८ मुली झाल्या , आणि माझा एक मित्र आणि त्याची बायको आणि एक मैत्रीण , तिच्या मुली आणि तिचा नवरा , माझा भाऊ - वहिनी , असे सगळे मिळून जवळ जवळ २०-२५ जणांची यादी तयार झाली . 

सगळ्यात आधी केक कसा असावा हे काही माझ ठरत नव्हत , आणि श्रद्धा मदतीला आली माझ्या . अंधेरील्या 'स्वीट आर्ट ' बेकारी तून केक आणायचं ठरवलं . स्वीट  आर्ट च्या शेहला ने मला मदत केली . तिने पाठवलेल्या एक डिझाईन चा केक मी सांगितला , हा मात्र शर्वरी साठी सरप्राईज होता . 

 मग कार्यक्रम कसा करावा यावर आम्ही चर्चा केली , मला नेल आर्ट स्पर्धा ठेवावी असं वाटत होतं . या वयामध्ये मुलींना मेकअप च आकर्षण जर जास्त असतं , त्यामुळे या स्पर्धेत त्यांना मजा येईल असं वाटलं . त्यानंतर हौजी आणि संगीत खुर्ची खेळायची ठरवलं . या सगळ्यासाठी बक्षिसं ठरवली आणि सगळ्यात चांगल्या ड्रेस साठी सुद्धा बक्षीस ठेवलं . 

आता मात्र परतीच्या गिफ्ट आणि या स्पर्धान्साठीच्या गिफ्ट साठी काय घ्याव यावर विचार सुरु केला . श्रेयोसीने (ऑफिस मधील मैत्रीण)  खूप मदत केली . आम्ही परतीच गिफ्ट म्हणून लिपस्टिक , काजळ आणि नेलपेंट ठरवलं . ६ तारखेला मी आणि श्रेयोसी ने जाउन सगळी खरेदी केली . नेल आर्ट मध्ये जी जोडी जिंकेल त्यांना कानातल्या रिंगा आणि हौजी आणि चांगल्या ड्रेस साठी केसात लावायचे बीड्स आणि हेअरबँड घेतला. नेल आर्ट च समान घेतलं सगळं . आता सगळ पॅक
करायचं होतं. पण वेळचं नव्हता , ७ तारखेला काही कामासाठी पुण्याला जायचं ठरलं आणि मला मात्र आता सगळ कसं होणार  याच टेन्शन यायला लागलं होतं.   

त्यातच यावर्षी वाढदिवस विशेष असल्यामुळे सगळ्यांना आमंत्रण पत्रिका देवू असा ठरवलं , पण मला माझ्या मनासारखी स्टिकर्स मिळेनात , शेवटी ऑनलाईन मागवली , पण ती वेळेत मिळतील अशी खात्री वाटत नव्हती . वाढदिवस होता १०सप्टेम्बर ला आणि ८ तारखेला दुपारी माझ्या हातात ती  स्टिकर्स मिळाली . जवळ जवळ १७ आमंत्रण तयार करायची होती , मग काय, ऑफिस मधून आल्यावर जे करायला बसले ते २ तासामध्ये संपवलं .

आमंत्रण पत्रिका 

 शर्वरी ते घेवून लगेच पळाली . शाळेतल्या मैत्रीणी  सोडून बाकी सगळ्यांना आमंत्रण देवून आली. मी मात्र आता गिफ्ट पॅक करत बसले . सगळ पॅकींग झालच नाही.

९ सप्टेंबर उजाडला आणि मला मात्र कधी एकदा हे सगळ काम संपवते असं झालं . त्यातच शर्वरी साठी वाढदिवसाचा ड्रेस घ्यायचा राहिला होता. संध्याकाळी घरी आल्यावर आधी हातातलं काम संपवलं आणि मग आम्ही दोघी ड्रेस घ्यायला बाहेर पडलो. पहिल्यांदाच जाणीव झाली कि आपल्या लेकीची आवड निवड बदलतेय आता. मला जे आवडत होतं त्याला ती नको म्हणत होती आणि तिला जे आवडत होतं त्याला मी . असं करत करत साधारण एका तासाभरात तिने तिच्या आवडीचा ड्रेस घेतलाच.

रात्री १२ वाजता शर्वरीला मिळालेला चोकोलेट बुके 

१० तारखेला मात्र ती उठायच्या आधी आम्हाला हॉल सजवायचा होता. सकाळी लवकर उठून फुगे फुगवले . यावेळेची कलर थीम होती हलका गुलाबी आणि पांढरा रंग . फुगे लावून झाल्यावर ग्रीटिंग कार्ड्स च्या पताका तयार केल्या आणि त्या पण हॉल मध्ये लावल्या . हॉल  एकदम सजला . शर्वरी ला तो खूप आवडला . आज शाळेला जायचं नाही म्हणत शेवटी तयार झाली , मग शाळेचा ड्रेस घालावा का नाही यावर थोडी चर्चा होवून , शेवटी शाळेचाच ड्रेस घालायचं ठरवलं. 

मी मात्र स्मिता ला सुट्टी घ्यायला लावली . मला मदतीची खूप गरज होती. उपेंद्र आधीच छोले - पुरी सांगून आला होता. शर्वरी शाळेला गेल्यावर , मी आणि स्मिता जाऊन बाकीची खरेदी करून आलो . नेमक त्या दिवशी ठाण्यामध्ये भयानक ट्राफिक होतं . आम्हाला यायला ३ वाजले . तोपर्यंत उपेंद्र पण आला ऑफिस मधून . क्लब हाउस चा हॉल मोठा असल्याने फक्त भरपूर फुगे लावावेत असा ठरलं . त्याप्रमाणे आम्ही हॉल सजवला . जवळ जवळ ५० फुगे लावले . 

शर्वरी साधारण ७ वाजता शाळेतून परत आली , आणि आम्ही मुलीना ७.३०ला बोलावले होते .

सगळेच जण  फटाफट तयार होवून हॉल वर गेलो. सगळ्या मुली  येईपर्यंत ८-८.१५ झाले . खूप बडबड चालली होती . जी नवीन मैत्रीण येईल तिला बाकीच्या सगळ्याजणी , 'ओ हो , चमकली चमकली ' करून चिडवत होत्या .

त्याचा दंगा बघून मजा येत होती . जशा सगळ्या जमल्या तसा सगळ्यात आधी केक कापला .
                                        

आणि नेल आर्ट स्पर्धा सुरु केली . कारण हे सगळ करेपर्यंतच ८. ३० झाले होते . नेल आर्टचं सगळं सामान मध्ये ठेवलं आणि मुलीना गोल करून बसवलं , अर्ध्या तसाचा वेळ दिला आणि प्रत्येकीला एकाच हाताची नखं रंगवायला सांगितली . मुली धमाल करत होत्या . नेलपेंट लावत होत्या , काढत होत्या . असं करत करत अर्धा तास कधी संपला ते कळाल नाही .

 त्यांना सांगितलं आपण कोण जिंकाल ते नंतर बघू , आता तुम्ही हौजी खेळा . त्या मध्ये त्यांचा दंगा सुरु झाला आणि आम्ही डिशेस भरायला  सुरवात केली .

मुलींचं खाण आणि होऊझी दोन्ही एकदमच संपलं , त्यांच्यात ज्या जिंकल्या त्यांना बक्षिसं मिळाली .
 संगीत खुर्ची सुरु करायच्या आधी त्यांची नेल आर्ट्स बघितली आणि त्यातल्या जिंकलेल्या जोडीला बक्षीस दिलं . उशीर झाला असल्यामुळे शर्वरीच्या काही मैत्रिणी घरी जायला निघाल्या होत्या म्हणून मग सगळ्यांनाच परतीच्या गिफ्ट्स द्यायला सुरवात केली . प्रत्येक गिफ्ट वर नाव असल्यामुळे काहीही गोंधळ झाला नाही .

आता मात्र त्यांनी संगीत खुर्ची खेळायला सुरवात केली . धमाल करत होत्या सगळ्या . संगीत खुर्ची मध्ये जी जिंकली तिला बक्षीस दिलं आणि मग सगळ्याच आपापल्या घरी निघाल्या . सगळ आवरून आम्ही घरी परत आलो आणि मग शर्वरी ला मिळालेल्या सगळ्या गिफ्ट्स उघडायची घाई झाली . सगळ्याच गिफ्ट्स खूप छान होत्या , त्यामुळ ती एकदम खुश झाली . यावर्षीच सेलेब्रेशन तिला खूप आवडलं आणि माझा जीव भांड्यात पडला . 

रिकाम मन

एखादं काम पूर्ण झाल्यावर येणारं रिकामपण , मनाला व्यापून टाकतं. जस नवीन येणारं काम व्यापातं तसं . पण नवीन कामामध्ये ते पूर्ण करण्याची झिंग असते तशी मनाच्या रिकामपणात नसते, असतो तो भकासपणा, उदासी . खूप भीती वाटते मला मनाच्या या रिकामपणाची. काहीतरी हरवतं आहे असा वाटत राहतं, आणि नक्की काय होत आहे ते काळत नाही. मग बेचैन व्हायला होतं , जगण अवघड आहे असा वाटायला लागतं. मी तुझ्याकडे यायचा प्रयत्न करते , पण तू पण हरवून गेलेला असतोस . आजूबाजूला दाट धुक असतं , वाट सापडत नाही.. डोळ्यापुढे फक्त अंधार असतो , पुढे काय कराव ते उमगत नाही . यातून बाहेर पडणार हे माहिती असत, पण बाहेर येण्यासाठी हातात काहीतरी काम याव लागतं, मन त्यामध्ये गुंताव लागतं . तसा झाल, तरच परत एकदा जगायची उमेद वाढते , जग परत एकदा सुंदर होत आणि मनामध्ये मला तू पण सापडतोस .
पण हे सगळ खूप पुढचं आहे. आत्ता मन रिकाम आहे, काहीतरी शोधतं आहे , हात रिकामे असल्याची भावना जास्त तीव्र आहे . पूर्ण झालेल्या कामाच्या समाधानापेक्षा आताच रिकामपण भयानक आहे . काम पूर्ण झाल्याच समाधान १-२ दिवस टिकतं , पण नंतर येणारी पोकळी खायला उठते . खूप एकटं एकटं वाटत राहतं. सगळे भोवती असून पण एकटेपण जात नाही . हे एकटेपण नको वाटत  . तू तरी बरोबर रहावस अस वाटत राहत …. मी शोधते तुला , तुझा हात पकडायचा प्रयत्न करते, पण तू पण सुट्टी घेतल्यासारखा निघून गेलेला असतोस . तू असशील तर मग माझ मन रिकाम होणारच नाही हे माहिती असल्यासारखा. 
आता वाट बघतेय तुझी , तू आलास कि एकटं वाटणार नाही , सगळ भरून जाइल. मला माहिती आहे, तू येशील तेव्हा काहीतरी नवीन काम सोबत आणशिलचं , मग परत नवीन काहीतरी सुरु होईल … नवीन काम , नवीन झिंग आणि परत त्यात बुडणं होईलंच.

शर्वरीचा वाढदिवस - 2013

शर्वरीचा वाढदिवस जवळ येतो आहे तसतसं मला मी मागच्या वर्षी केलेलं सेलेब्रेशन आठवलं . मुलं किती पटपट मोठी होतातं. वेळ कसा निघून जातो हेच कळत नाही . मागच्या वर्षी तिने वयाची १२ वर्षे पूर्ण केली म्हणून काहीतरी वेगळ कारावसं ठरवलं होतं . बराच विचार करून एक कल्पना सुचली , तिला १२ गिफ्ट द्यायच्या , साधारण १-११/२ तासाच्या अंतराने आणि त्याबरोबर छोटी कार्ड्स पण. आणि ती १३ मध्ये प्रवेश करणार म्हणून एक स्पेशल गिफ्ट पण.

कार्ड्स आणि मेसेजेस
 

 





     
          



           











  

     


एकदा हि कल्पना ठरल्यावर मग तयारी सुरु झाली . आधी लिस्ट केली काय काय घ्याव याची
१. ड्रेस १
२. छोट दागिने ठेवायचं कपाट
३. हेअर पिन्स
४. पेंडंत आणि चेन
५. ब्रेसलेट
६. कानातले टोप्स
७. ड्रेस २
८. बो
९. हेअर बंड
१०. नेकलेस
११. पर्स
१२. कंगवा
आणि स्पेशल म्हणून चिंटू ची पुस्तकं
लिस्ट पण तयार झाली. मग शर्वरीला न काळता , रोज संध्याकाळी जाउन खरेदी सुरु झाली . आणि माग शर्वरी झोपल्यावर त्या सगळ्या गिफ्ट चं पकिंग. सगळ नीट होईल का याची जरा धाकधूक होतीच. पण सगळ व्यवस्थित तयार झालं .





 ग्रीटिंग कार्ड वरती लिहायच्या मजकुरासाठी वैभु आणि श्रेयोसी ने मदत केली .  तसाच आम्ही एक वेळापत्रक पण तयार केलं , कितीवाजता कोणती गिफ्ट आणि कोणतं कार्ड द्यायचं याचं .





शेवटी ९ सप्टेंबर ला सगळ तयार होत . रात्री १२ वाजता तिला चोकलेट,केक  आणि टेडी घरी येईल याची पण व्यवस्था झाली . पण नेमकी शर्वरी लवकर झोपली .
सकाळी लवकरच उठली जरा , ती उठायच्या आधी तिच्या बेडवर टेडी आणि चोकॉलेट ठेवून दिले होते ,

उठल्या उठल्या तिची नजर तिथेच गेली आधी . मग काय ! मादाम खुश एकदम !







आणि मग आमचा गिफ्ट द्यायचा सिलसिला सुरु झाला . दर १-११/२ तासाने एक कार्ड आणि गिफ्ट तिला देत होते . तिला खूप गम्मत वाटत होती .

त्यातच तिच्या मैत्रीणीना घेवून आम्ही लंच आणि सिनेमा बघायचा कार्यक्रम ठरवला होता. तशातच तिला अधे मध्ये गिफ्ट्स मिळत होत्या .
तिचा आनंद बघून मला पण खूप मज येत होती . मागचा आठवडा जी काही धावपळ झाली त्याच सार्थक झाल्यासारख वाटलं .
पण, त्यामुळे पुढचे वाढदिवस पण तसेच व्हायला हवेत असा पण वाटलं . आता पण तिचा वाढदिवस जवळ आला आहे . एक कल्पना आहे मनात , त्याची धावपळ सुरु आहे सध्या. त्याबद्दल सगळ झालं कि मग लिहेन.