तुझ्या श्वासांना ओठावर झेलायचं आहे मला
माझ्यातल्या तुला जग दाखवायचं आहे मला

तुझ्या भोवती रेंगाळणारं माझ जग
तुझ्या श्वासंवारती हिंदकळणारं माझ जग
तुझ्या ओठांच्या स्पर्शान वेडं होणारं माझ जग
तुझ्या कुशीत सामावणारं माझ जग

तुझ्या आवेगात झोकून द्यायचं आहे मला
माझ्यातल्या तुला जग दाखवायचं आहे मला

स्वतःला तुझ्यामध्ये विसरून जगायचं आहे मला
माझ्यातल्या तुला जग दाखवायचं आहे मला